大家好，我係謝曬皮，我返黎啦！！
過去一星期被黑客折磨，感覺好似俾人老笠完摑左兩巴仲要打左鑊金咁！條撚樣唔止hack 我account、盗用我信用卡、仲delete 左我2017年至今所有post.....呢樣先係最仆街，裡面有好多我同大家既互動同回憶架dklm，不過Cuson 同我講話樂觀d 諗，咁國安法味拉我唔到囉.....(笑喊) 屌。
謝曬皮呢個page 係我七年既心血，呢度令我講到想講既，做到想做既。雖然近年對facebook 既依賴已經大大減少，但喺大時代下，呢度仍然發揮住佢好利害既傳訊功能，也讓我既憤怒有地方宣洩，如果唔係我應該谷撚爆左死撚埋；多年來日畫夜畫既插畫係我珍貴既資產，如果一天有幸revive到d posts，老實講，連條黑客出既果個死狗post 我都好想保留返！因為個post 裡面好多你地既留言都對我意義重大，喺咁無助既時候見到你地一句“屌你”、"fuck you" 已經勝過千言萬語。
喺度要好多謝George 同佢既香港 Fb team 、美國fb既Diamond小姐輪流幫忙同監督，為我終結呢個黑客惡夢；感謝 Chung-Tai Cheng 鄭松泰 、 爵爵&貓叔 、 阿塗 、 賤人新世紀 同一眾插畫師朋友為我操勞，仲有報導呢件事既傳媒，短訊問候過我既舊同學舊同事，最多謝就係留言屌黑客既大家.....雖然條撚樣比你地點屌都唔會痛，但我看在眼裡實在窩心。
最後，呼籲大家要多多注意網絡安全，引以為戒！也希望unlike 左謝曬皮既朋友可以like 返，未來我會繼續創作，請多多關照。
皮皮
Search